Computer azang mitam mahmah ta se leh, tuni ciang ciang Computer pen bang ci puah ding cih mikim in khol nai lo lai hi. Asiam lua hih loh hang in, ei Computer ciangciang ei man ih tel ding thupi hi. Tua ahih man in tu-in, Computer agik luat leh aman lang nang bawl dan them khat hong hawm sawn nuam ing. 100% bel ahih lian loh hang 50% bel manlang hi. Computer ih zat dan tawh ki thu zawi tawn ding hi.
1. Desktop tung ah Computer pen Rightclick bawl in, Properties acih pen meek in.
2. System Properties Box hong kiat tak ciang in, Advanced Tab meek in.
3. Performance nuai aa Setting ah lut in.
4. Visual Effect Tab pan Adjust for best Performance ah lut in.
5. Apply meek in la them khat ngak in. Na Computer hong ki lamdan na themkhat thei ding hi teh.
Computer ih hon takciang in, azia-kai lohna ding in aki sam lo Software te Lock pia in. Hih pen theih ding ah aki phiat hi lo hi. Computer pen Window hong kah tak ciang in, ih Auto Run sa Software te khat khit khat ban sit ahih man in azia-kai ahi hi. Tua ahih man in hih dan tawh aki sam lo Software te ki khak thei hi. Hih aman hi ta hi. Anuai ah nam khat om lai hi.
Quick Time player te dan aa aki sam mel lo Mediaplayer te, Adobe Software te zang mel lo in, ahih hang Computer sung ah koih pong phot na hih leh anuai aa dan in khak phot in.
1. Start pan in Run ahi pai in. (Shortcut - Win+R)
2. Run Box sung ah msconfig ci'n gelh in.
3. System Configuration Utility Box hong kiat aa leh, Startup tel in. Startup Box sung ah atung aa ih gen Mediaplayer, Adobe ih zat khol loh Software te ii amai ah amaan om te la khia in. Naman khat tak ciang in Apply, OK, Restart bawl in.
Restart bawl in Computer hong kah kik tak ciang in, Message Box khat hong kia ding hi. Windows Start ih khel na aman lam hong lak ahi. Hih Windows Start ih khel pen atawntung ding maw? Mai lam ah khel kik lai ding maw? ci'n hong dong ding aa, "Don't show this" acih laimal pen meek in.
Hih pen tu leh tu aa ki khel thei lel hi. Den aa na khak Software te na zat nop tak ciang in, Windows meek in la All Program pan in zong in ki zang thei veve hi. Tua bang tawh Computer ki manlang sak thei aa, Khak ahi zong in, hong ahi zong in hong manlang zaw ding hi. Aman ta hi. Anuai ah nam khat om lailai hi.
Tu-a pen in aki sam lo na sepna te khak tan na ding ahi hi.
1. Start pan in Control Panel, Control Panel pan in Administrative Tools, Administrative Tools pan in Service ah lut in.
2. Run box pan in na hon nop leh, "services.msc" ci'n gel in.
3. Service Box na tun teh anuai aa nasep na te sem thei ta ding hi teh -
I. Alerter ih khak theihna ding in ah Alerter Select pia in la, Right Click mek in. Properties pia in. Startup type sung ah Disable pia in. Naman tak ciang in Apply, OK pia in.
II. Atung aa dan in ah Indexing Service, Ms Software Shadow Copy Provider, IMAPI CD-Burning te khak in. Tua pen in mikim up mawh loh khat hong hi kha ding hi. Akisam lo Font te pen khiat ahi hi. Ataktak in ci le hang Font ih zat pen nam 10 zong pha lo lel hi. Tua ahih leh tu aa aman hi leuleu aa, anuai ah nam khat om lai hi.
i. My Computer hong in. Local Disk (C:) ah Right Click pia in la, Properties ah pai in.
ii. Properties Box hong kiat tak ciang in, anuai nung aa aom "Allow Indexing Service to index this disk for fast file searching" ii maan pen phiat in.
iii. Local Properties (D:) zong tua dan mah in hih in.
Atawptawp na ah mikim in theih khiat sa "Disk Defragmenter" bawl na ahi hi. Hih dan pen nisim ih Computer ih khak madeuh in bawl den zo leng ahoih penpen hi.
x. Start >> Program >> Accessories ah pai in. Tua pan in Disk Defragmenter ah meek in.
xx. Local Disk (C:) pen tel in la bawl in. Aman tak ciang in, tua bang mah lian in Local Disk (D:) zong tel in la bawl in.
Disk Defragmenter pen Computer pan hong piak Software zong ki zang thei aa, ahi zong in tua sang in ahoih zaw zong Software ki thun in ki zang thei veve hi. Anuai ah PDF in na kep cing nop leh ki Download thei hi. Lungdam ey.
Zomi IT Blog
0 Ngaih Sut Piakna:
Post a Comment