Windows System OS 32 Bit & 64 Bit Ki Lamdanna (Zolai Ebooks) & Software - (466.01 KB)

Windows, Macintosh, Linux cih OS (Operating System) te pen 32 bit leh 64 bit ci’n nam (2) in ki khen hi. Anih in asep na uh ki bang lo hi. Aki lamdanna uh in ah Computer ii CUP (Central Processing Unit) in Data pen bang dan in sem zo cih hi. Gennopna ah 64 bit OS te pen RAM (Random Access Memory) tampi tak sem khia zo zaw uh aa, 32 bit OS te sang in ah asep khiatna sang zaw hi.

I.Tua ahih leh Computer om khempeuh 64 bit in Windows ten (Install) ding hi pah lo maw?

Ki ngah lo hi. 64 bit OS pen ten ding na hih leh zong tua asem sak

zo ding CPU na neih kul hi. Ama ii system a zozo ding CPU zong na laih kul pah ding hi.

II.Tua ahih leh 64 bit OS na asem sak zo ding bang dan in ki en ding?

1. Bang mah Software, lamdang zang lo in ah Computer ii lei cil in aki zang OS system pen en le hang ki tel pen leh ki cian pen hi. Tua khit ciang na lei lai in 32 bit mah ahih leh Windows thak na ten kik ding ciang in zong 32 bit mah ten in.

2. Software zang in na theih nop aa ahih leh SecurAble cih software zang in ki en thei hi. Tua software download in la run in. Anuai aa bang in mu ding hi teh.

Hih dan aa ahong suah leh 32 bit OS bek mah ten thei ding hi teh.

Hih dan na muh leh 64 bit OS te’n thei ding hi teh.

3. Atung aa software pen download ding senpi lo hi ven! Bang cih ding?

Tua bang ahih leh na Computer Start menu meek in la, Control Penal ah pai in. Windows 8,8.1,10 te pen apang lam atung ah mouse paisak le cin hong suak ding hi. Na tu’n teh “Viewed by” acih pen ah “Small Icons” tel in la, Performance Information And Tools meek in. Anuai aa lim en in.

Windows control panel

Tua khit teh “ View and print detailed performance and system information ” acih pen meek in.

Atung aa lim sung aa dan aa, 64-bit Capable – Yes acih leh 64 bit ki ten thei ding hi. 64 bit ten sa ahih leh “ Capable ” acih pen hong suak lo ding hi. Gennop na ah tu aa ka zat pen 32 bit hi in, ahi zong in 64 bit ki ten thei cih hong lak hi.

Tua ahih leh 32 bit leh 64 bit ii ki lamdan na thei ta ni mate? Lungdam ey. Ka Blog ah hong hawh zelzel oh!

Anuai ah PDF in na deih leh download na meek oh!