Bang hang in Android Phone te ki root hiam? cih hong hawm sawn nuam ing.
Amasa in Android banghang ki root?
Root ih cih laimal pen Linux OS azang User te pan in hong piang khia hi. Android OS pen Linux tung tawn in ki-at System khat hi. Root ii akhiatna pi pen in na device pen Superuser ngah na ding in hong hih sak ci leng ki khial lo ding hi.
Nang ii Android Software ah Permission ngahna ding in hong bawl sak hi. Root ih bawl khit nak leh User te ading in zat theih tuamtuam leh hamphatna tampi tak om hi. Tua bek tam lo in Custom Software (ROM), Custom Themes, Performance, Battery life te zong ahih theihna uh sang zaw sak pah hi.
Theih pak ding in ci le hang, na Android pen Hacking ki bawl hi. Ih Hack(Root) khit ciang in na Phone pen Administrator in System khempeuh na ut bangbang in zat theihna angah na hi hi. Na ut leh laih thei, na ut leh phiat thei cih bang hi.
Gentehna in gen ding hi le hang Apple Iphone ii iOS te Jailbreak ih bawl tawh hong ki bang hi. Phone te Root bawl khin sa in ih zat nak leh, na tuamtuam hong zang sak lo cih bang om lo hi. Tua ahih man in na Android phone ii Service pawl khat na zat nop leh na Root kul ding hi.
Tua ahih man in na Phone na Root nop leh ki Root thei hi. Ahi zong in na Root ma in anuai aa Thu te theih huai ahih man in na sim masa in.
1. Nang Phone Warranty sia sak hi.
2. Nang Phone na Root nopna ahang Pi, nang leh nang in na theih cian kul hi.
3. Nang Phone na Root na ding in nang Phone tawh ki sai, Root bawl dan ding hong hilh nang kiang ah na neih kul, na theih kul hi. Nang Phone ii model nam na et nop aa leh, abaih penpen in Phone ii Cover ahih kei leh, Battery nuai ah atam zaw in om hi.
4. Root na bawl tak ciang in limtak in en in, ahih theih leh na hih na te 2 vei, 3 vei bang en cian in.
5. Root na bawl ma in, na Phone sung aa om athupi Data te Backup bawl masa hamtang in.
Android na Root na bang na hang in na ngah ding hamphatna te-
1. Total Control over System
Root na bawl khit lian in na Phone Administrator in zang thei hi teh. Tua teh na phone sung ah lut in, System file te en thei, vel thei, Modify, Puah theih hi teh. (Gtn- Android Phone/tablet na root zenzen leh, System File modify bawl in Kawl lai phone guang thei hi teh.)
2. Remove Unwanted Apps
Phone ah atung bek in aomsa Application te pen na deih kei leh Phiat thei hi teh. (Akisam lo te hi. Athupi te na phiat khak loh ding ki sam mahmah hi.)
3. Change Theme
Ke'n zong nisim in Phone zang in. Nisim in hih dan mah Style pen ki cim tak mahmah hi. Tua ahih man in, atuam dang, Style dang ih na khel nop leh Root kul hi. Gennop na ah bel na deih bangbang in na Phone Style, Theme te khel thei hi teh.
4. Backup Whole System
Na Phone ii System (Total System) khempeuh Backup bawl in SD Card sung ah ki kem thei hi. Gentehna in gen pak le hang na Image te Harddisk sung ah koih tawh ki bang hi. Adiakdiak in ah new Rom azat sin na ding in System khempeuh Backup bawl in SD Card sung ah kem cing thei hi. new Rom zang sin in. Na deih kei leh nang ii System lui (Old System) pen zang kik thei hi teh.
5. Installing Special Application
Na deih bangbang Application te nang Install thei ta hi teh. Gentehna in gen le hang Fullversion ahih theihna ding in aki zang ahi, Crack file te cih nop na hi hi. Tua lo Free aa aki ngah Application te zong baih tak in ki zong thei hi.
6. Install New ROM, Interference
Na Phone sung aa aomsa ROM pen zat nop sa, ahih kei leh New Rom adang khat na zat nop aleh khel in ki znag thei hi. Banghang hiam cih leh , Online pan in na Android Devices ii Rom te baih tak in ki zong thei ta ahi man in.
Immm... tu'n hi leh Android Root na ahang pen thei khin in hong um ta ing. Lai bel hong sau diakduat mawk ey. hehehehe. Lai hong sim sak aa, Website ah tha hong pia te tung ah lungdam mahmah hi. Mai lam ah zong hong hawh zelzel in. Download nop leh Ebook in hong bawl ing. Anuai ah nana download in. Lungdam.
Zomi IT Blog
0 Ngaih Sut Piakna:
Post a Comment